14191
زعما الى كان لوبي التعليم الخاص كيدير غير اللي فراسو وما كيديها لافهضرة ولا منشور وزاري وما سايقش لخبار كاع واش كاينة شي دولة فهذا البلاد، احسن نسدو الحانوت. هذيك الاكاديميات لاش صالحة، واش غير بحال شي برميل مثقوب اللي ادخل ليه اديال فلوس دافعي الضرائب كيخرج من الثقبة وكيمشي فين كيعارفو اصحاب الحال. انسدوهوم الى كانوا غير كيضيعوا لبلاد ووليداتها وبنياتها ونخليو اللي بغا يدير اللي فراسو يديرو.
لو تم اجراء بحث دقيق وموضوعي غادي نلقاو الكوليزيون collusion بين الاكاديميات والوزارة وبين لوبي التعليم الخاص وتضارب المصالح كبير وخطير وضد لبلاد. واحد المدير مع المسؤول مركزي كانوا نوضو الكيرة على واحد الصفقة اديال الحراسة بالعلالي واحد النهار، وفلخر كل واحد بقا فبلاصتو وباين كل واحد متكي على شي اركيزة اصحيحة، حيث هدشي اديال الحراسة والديبناج والبارات وماشابه معروف لمن كيتعطاو ككريمات بعد نهاية الخدمة.
محمد نجيب كومينة / الرباط