الله يدينا فالضو

يقال المنشار طالع واكل نازل واكل
السيارة عطاها ليه الملك ( كان قال باللي اشرا سيارة من فلوس الحكومة وما محتاجش ) التقاعد اعطاه ليه الملك، والحراس اللي باقيين خدامين قدام الفيلا اديالو فزنقة جان جوريس غادي يقول ليك بامر من الملك.
اللي بغا يهدر عليه زعما غادي يولي يتكلم على الملك. يعني احسن ليه يدير الطم.
ورغم ذلك الهدرة اديالو اللي عامرة بالتقلاز من نهار طاح من رئاسة الحكومة واداها ليه صاحب دعوتو من ديما ما كتحتاجش للدكودور باش تفهم.
خص ابنادم يكون عندو جوج اريوس، كل واحد كيقول ليه حاجة، والا موضر المراكات (ثلاثة نقط فوق الكاف) باش يكون اهنا وهناك او كيعتبر الناس كلهم بال عليهم الضبع او كلاو مخو فالزميطة.
الله يدينا فالضو ( حقوق التاليف فهذا الدعوة لرشيد البلغيتي ) .

محمد نجيب كومينة / الرباط